Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. linqui pollutum hospitium, et dare classibus austros.
  2. Ergo instauramus Polydoro funus, et ingens
  3. aggeritur tumulo tellus; stant Manibus arae,
  4. caeruleis maestae vittis atraque cupresso,
  5. et circum Iliades crinem de more solutae;
  6. inferimus tepido spumantia cymbia lacte
  7. sanguinis et sacri pateras, animamque sepulchro
  8. condimus, et magna supremum voce ciemus.
  9. Inde, ubi prima fides pelago, placataque venti
  10. dant maria et lenis crepitans vocat Auster in altum,
  11. deducunt socii navis et litora complent:
  12. provehimur portu, terraeque urbesque recedunt.
  13. Sacra mari colitur medio gratissima tellus
  14. Nereidum matri et Neptuno Aegaeo,
  15. quam pius arquitenens oras et litora circum
  16. errantem Mycono e celsa Gyaroque revinxit,
  17. immotamque coli dedit et contemnere ventos.
  18. Huc feror; haec fessos tuto placidissima portu
  19. accipit: egressi veneramur Apollinis urbem.
  20. Rex Anius, rex idem hominum Phoebique sacerdos