Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. talis in hoste fuit Priamo; sed iura fidemque
  2. supplicis erubuit, corpusque exsangue sepulchro
  3. reddidit Hectoreum, meque in mea regna remisit.
  4. Sic fatus senior, telumque imbelle sine ictu
  5. coniecit, rauco quod protinus aere repulsum
  6. e summo clipei nequiquam umbone pependit.
  7. Cui Pyrrhus: Referes ergo haec et nuntius ibis
  8. Pelidae genitori; illi mea tristia facta
  9. degeneremque Neoptolemum narrare memento.
  10. Nunc morere. Hoc dicens altaria ad ipsa trementem
  11. traxit et in multo lapsantem sanguine nati,
  12. implicuitque comam laeva, dextraque coruscum
  13. extulit, ac lateri capulo tenus abdidit ensem.
  14. Haec finis Priami fatorum; hic exitus illum
  15. sorte tulit, Troiam incensam et prolapsa videntem
  16. Pergama, tot quondam populis terrisque superbum
  17. regnatorem Asiae. Iacet ingens litore truncus,
  18. avolsumque umeris caput, et sine nomine corpus.
  19. At me tum primum saevus circumstetit horror
  20. Obstipui; subiit cari genitoris imago,