Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. conversique oculos inter se atque ora tenebant.
  2. Tum senior semperque odiis et crimine Drances
  3. infensus iuveni Turno sic ore vicissim
  4. orsa refert: O fama ingens, ingentior armis
  5. vir Troiane, quibus caelo te laudibus aequem?
  6. Iustitiaene prius mirer belline laborum?
  7. Nos vero haec patriam grati referemus ad urbem
  8. et te, siqua viam dederit fortuna, Latino
  9. iungemus regi: quaerat sibi foedera Turnus.
  10. Quin et fatalis murorum attollere moles
  11. saxaque subvectare umeris Troiana iuvabit.
  12. Dixerat haec, unoque omnes eadem ore fremebant.
  13. Bis senos pepigere dies et pace sequestra
  14. per silvas Teucri mixtique inpune Latini
  15. erravere iugis. Ferro sonat alta bipenni
  16. fraxinus, evertunt actas ad sidera pinus,
  17. robora nec cuneis et olentem scindere cedrum
  18. nec plaustris cessant vectare gementibus ornos.
  19. Et iam Fama volans, tanti praenuntia luctus,
  20. Evandrum Evandrique domos et moenia replet,