Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. scuta virum galeasque et fortia corpora volvit?
  2. Talia iactanti stridens Aquilone procella
  3. velum adversa ferit, fluctusque ad sidera tollit.
  4. Franguntur remi; tum prora avertit, et undis
  5. dat latus; insequitur cumulo praeruptus aquae mons.
  6. Hi summo in fluctu pendent; his unda dehiscens
  7. terram inter fluctus aperit; furit aestus harenis.
  8. Tris Notus abreptas in saxa latentia torquet—
  9. saxa vocant Itali mediis quae in fluctibus aras—
  10. dorsum immane mari summo; tris Eurus ab alto
  11. in brevia et Syrtis urguet, miserabile visu,
  12. inliditque vadis atque aggere cingit harenae.
  13. Unam, quae Lycios fidumque vehebat Oronten,
  14. ipsius ante oculos ingens a vertice pontus
  15. in puppim ferit: excutitur pronusque magister
  16. volvitur in caput; ast illam ter fluctus ibidem
  17. torquet agens circum, et rapidus vorat aequore vortex.
  18. Adparent rari nantes in gurgite vasto,
  19. arma virum, tabulaeque, et Troia gaza per undas.
  20. Iam validam Ilionei navem, iam fortis Achati,