Elegiae
Tibullus
Tibullus. Aliorumque carminum libri tres. Postgate, J. P. (John Percival), editor. Oxford: Scriptorum classicorum bibliotheca Oxoniensis, 1915.
- solus utroque idem diceris magnus in orbe.
- Non ego sum satis ad tantae praeconia laudis,
- ipse mihi non si praescribat carmina Phoebus.
- Est tibi, qui possit magnis se accingere rebus,
- Valgius: aeterno propior non alter Homero.
- Languida non noster peragit labor otia, quamuis
- Fortuna, ut mos est illi, me aduersa fatiget.
- Nam mihi, cum magnis opibus domus alta niteret,
- cui fuerant flaui ditantes ordine sulci
- horrea fecundas ad deficientia messis,
- cuique pecus denso pascebant agmine colles,
- et domino satis et nimium furique lupoque,