Hannibal

hoc in itinere adeo gravi morbo afficitur oculorum, ut postea numquam dextro aeque bene usus sit. qua valetudine cum etiamnum premeretur lecticaque ferretur, GaiumC. Flaminium consulem apud Trasumennum cum exercitu insidiis circumventum occidit, neque multo post GaiumC. Centenium praetorem cum delecta manu saltus occupantem. hinc in Apuliam pervenit. ibi obviam ei venerunt duo consules, GaiusC. Terentius et LuciusL. Aemilius. utriusque exercitus uno proelio fugavit, Paulum consulem occidit et aliquot praeterea consulares, in eis GnaeumCn. Servilium Geminum, qui superiore anno fuerat consul.

Hac pugna pugnata Romam profectus nullo resistente in propinquis urbi montibus moratus est. cum aliquot ibi dies castra habuisset et Capuam reverteretur, QuintusQ. Fabius Maximus, dictator Romanus, in agro Falerno ei se obiecit.