De Rerum Natura

Lucretius

-

  1. incubuit tandem populo Pandionis omni.
  2. inde catervatim morbo mortique dabantur.
  3. principio caput incensum fervore gerebant
  4. et duplicis oculos suffusa luce rubentes.
  5. sudabant etiam fauces intrinsecus atrae
  6. sanguine et ulceribus vocis via saepta coibat
  7. atque animi interpres manabat lingua cruore
  8. debilitata malis, motu gravis, aspera tactu.
  9. inde ubi per fauces pectus complerat et ipsum
  10. morbida vis in cor maestum confluxerat aegris,
  11. omnia tum vero vitai claustra lababant.
  12. spiritus ore foras taetrum volvebat odorem,