De Rerum Natura

Lucretius

-

  1. Quod quoniam docui, pergam conectere rem quae
  2. ex hoc apta fidem ducat, primordia rerum
  3. finita variare figurarum ratione.
  4. quod si non ita sit, rursum iam semina quaedam
  5. esse infinito debebunt corporis auctu.
  6. namque in eadem una cuiusvis iam brevitate
  7. corporis inter se multum variare figurae
  8. non possunt. fac enim minimis e partibus esse
  9. corpora prima tribus, vel paulo pluribus auge;
  10. nempe ubi eas partis unius corporis omnis,
  11. summa atque ima locans, transmutans dextera laevis,
  12. omnimodis expertus eris, quam quisque det ordo