De Rerum Natura

Lucretius

-

  1. quare religio pedibus subiecta vicissim
  2. opteritur, nos exaequat victoria caelo.
  3. Illud in his rebus vereor, ne forte rearis
  4. impia te rationis inire elementa viamque
  5. indugredi sceleris. quod contra saepius illa
  6. religio peperit scelerosa atque impia facta.
  7. Aulide quo pacto Triviai virginis aram
  8. Iphianassai turparunt sanguine foede
  9. ductores Danaum delecti, prima virorum.
  10. cui simul infula virgineos circum data comptus
  11. ex utraque pari malarum parte profusast,