De Rerum Natura

Lucretius

-

  1. et solis flammam per caeli caerula pasci,
  2. quod calor a medio fugiens se ibi conligat omnis,
  3. nec prorsum arboribus summos frondescere ramos
  4. posse, nisi a terris paulatim cuique cibatum
  5. ---
  6. ---
  7. ---
  8. ---
  9. ---
  10. ---
  11. ---
  12. ---
  13. ne volucri ritu flammarum moenia mundi
  14. diffugiant subito magnum per inane soluta
  15. et ne cetera consimili ratione sequantur
  16. neve ruant caeli tonitralia templa superne
  17. terraque se pedibus raptim subducat et omnis
  18. inter permixtas rerum caelique ruinas
  19. corpora solventes abeat per inane profundum,
  20. temporis ut puncto nihil extet reliquiarum
  21. desertum praeter spatium et primordia caeca.
  22. nam qua cumque prius de parti corpora desse
  23. constitues, haec rebus erit pars ianua leti,
  24. hac se turba foras dabit omnis materiai.
  25. Haec sic pernosces parva perductus opella;