Against Vatinius

sed omitto epulum populi Romani, festum diem argento, veste, omni apparatu ornatuque visendo[*](visendum coni. Baiter): quis umquam in luctu domestico, quis in funere familiari cenavit cum toga pulla? cui de balineis[*](balneis P2BΣ) exeunti praeter te toga pulla umquam data est? Cum tot hominum milia accumberent, cum[*](accumberent ⟨cum togis albis⟩ cum K. Busche) ipse epuli dominus, Q. Arrius, albatus esset, tu in templum Castoris te cum C. Fibulo[*](Fidulo GEs) atrato ceterisque tuis furiis funestum intulisti. quis tum non ingemuit, quis non doluit rei publicae casum? qui sermo alius in illo epulo fuit nisi hanc tantam et tam gravem civitatem subiectam esse non modo furori, verum etiam inrisioni tuae?