Divinatio in Q. Caecilium

si quis vestrum, iudices, aut eorum qui adsunt, forte miratur[*](mirantur plerique codd.: num mirabitur? (Cl. Rev. xviii. 440) qui per tot (Quint. iv. 1. 49) G2L) me, qui tot annos in causis iudiciisque publicis ita sim[*](sim ita p) versatus ut defenderim[*](defenderem codd.) multos, laeserim neminem, subito nunc mutata voluntate ad accusandum descendere, is, si mei consili causam rationemque cognoverit, una et id quod facio probabit, et in hac causa profecto neminem praeponendum mihi esse actorem putabit.