Carmina
Catullus
Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.
- nam nihil est quicquam sceleris quo prodeat ultra,
- non si demisso se ipse voret capite.
- Gellius est tenuis: quid ni? cui tam bona mater
- tamque valens vivat tamque venusta soror
- tamque bonus patruus tamque omnia plena puellis
- cognatis, quare is desinat esse macer?
- qui ut nihil attingat, nisi quod fas tangere non est,
- quantumvis quare sit macer invenies.
- Nascatur magus ex Gelli matrisque nefando
- coniugio et discat Persicum haruspicium: