Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. nec te requiret nec rogabit invitam:
  2. at tu dolebis, cum rogaberis nulla.
  3. scelesta, vae te! quae tibi manet vita!
  4. quis nunc te adibit? cui videberis bella?
  5. quem nunc amabis? cuius esse diceris?
  6. quem basiabis? cui labella mordebis?
  7. at tu, Catulle, destinatus obdura.
  1. Verani, omnibus e meis amicis
  2. antistans mihi milibus trecentis,
  3. venistine domum ad tuos penates
  4. fratresque unanimos anumque matrem?
  5. venisti! o mihi nuntii beati!