Carmina
Catullus
Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.
- qui, cum divitiis vix tandem inventus avitis
- nomen testatas intulit in tabulas,
- impia derisi gentilis gaudia tollens
- suscitat a cano vulturium capiti:
- nec tantum niveo gavisa est ulla columbo
- compar, quae multo dicitur improbius
- oscula mordenti semper decerpere rostro
- quam quae praecipue multivola est mulier:
- sed tu horum magnos vicisti sola furores,
- ut semel es flavo conciliata viro.