Carmina
Catullus
Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.
- nam quod scriptorum non magna est copia apud me,
- hoc fit quod Romae vivimus: illa domus,
- illa mihi sedes, illic mea carpitur aetas;
- huc una ex multis capsula me sequitur.
- quod cum ita sit, nolim statuas nos mente maligna
- id facere aut animo non satis ingenuo
- quod tibi non utriusque petenti copia parta est:
- ultro ego deferrem, copia si qua foret.