Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. non prius ex illo flagrantia declinavit
  2. lumina quam cuncto concepit corpore flammam
  3. funditus atque imis exarsit tota medullis.
  4. heu misere exagitans immiti corde furores,
  5. sancte puer, curis hominum qui gaudia misces,
  6. quaeque regis Golgos quaeque Idalium frondosum,
  7. qualibus incensam iactastis mente puellam
  8. fluctibus in flavo saepe hospite suspirantem!
  9. quantos illa tulit languenti corde timores,
  10. quanto saepe magis fulgore expalluit auri,
  11. cum saevum cupiens contra contendere monstrum
  12. aut mortem appeteret Theseus aut praemia laudis.
  13. non ingrata tamen frustra munuscula divis