Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. non tereti strophio lactentis vincta papillas,
  2. omnia quae toto delapsa e corpore passim
  3. ipsius ante pedes fluctus salis adludebant.
  4. sic neque tum mitrae neque tum fluitantis amictus
  5. illa vicem curans toto ex te pectore, Theseu,
  6. toto animo, tota pendebat perdita mente.
  7. ah misera, adsiduis quam luctibus exsternavit
  8. spinosas Erycina serens in pectore curas
  9. illa tempestate, ferox quo ex tempore Theseus
  10. egressus curvis e litoribus Piraei
  11. attigit iniusti regis Gortynia tecta.
  12. nam perhibent olim crudeli peste coactam
  13. Androgeoneae poenas exsolvere caedis