Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. ibi Somnus excitam Attin fugiens citus abiit:
  2. trepidante eum recepit dea Pasithea sinu.
  3. ita de quiete molli rapida sine rabie
  4. simul ipsa pectore Attis sua facta recoluit,
  5. liquidaque mente vidit sine quis ubique foret,
  6. animo aestuante rusum reditum ad vada tetulit.
  7. ibi maria vasta visens lacrimantibus oculis
  8. patriam adlocuta maesta est ita voce miseriter:
  9. “patria o mei creatrix, patria o mea genetrix,
  10. ego quam miser relinquens, dominos ut erifugae
  11. famuli solent, ad Idae tetuli nemora pedem,
  12. ut apud nivem et ferarum gelida stabula forem
  13. et earum omnia adirem furibunda latibula,