Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. quid est, Catulle? quid moraris emori?
  1. Risi nescio quem modo e corona,
  2. qui, cum mirifice Vatiniana
  3. meus crimina Calvus explicasset,
  4. admirans ait haec manusque tollens
  5. “di magni, salaputium disertum!”
  1. Othonis caput oppido est pusillum,
  2. ---et eri rustica semilauta crura,
  3. subtile et leve peditum Libonis,
  4. ---si non omnia, displicere vellem
  5. tibi et Fuficio, seni recocto
  6. ---irascere iterum meis iambis
  7. immerentibus, unice imperator.
  1. Oramus, si forte non molestum est,
  2. demonstres ubi sint tuae tenebrae.
  3. te campo quaesivimus minore,
  4. te in circo, te in omnibus libellis,
  5. te in templo summi Iovis sacrato.
  6. in Magni simul ambulatione
  7. femellas omnes, amice, prendi,