Carmina
Catullus
Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.
- nec sese a gremio illius movebat,
- sed circumsiliens modo huc modo illuc
- ad solam dominam usque pipiabat.
- qui nunc it per iter tenebricosum
- illuc unde negant redire quemquam.
- at vobis male sit, malae tenebrae
- Orci, quae omnia bella devoratis;
- tam bellum mihi passerem abstulistis.
- o factum male! o miselle passer!
- tua nunc opera meae puellae
- flendo turgiduli rubent ocelli.
- Phasellus ille, quem videtis, hospites,
- ait fuisse navium celerrimus,
- neque ullius natantis impetum trabis
- nequisse praeterire, sive palmulis
- opus foret volare sive linteo.
- et hoc negat minacis Hadriatici