Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. socer generque, perdidistis omnia?
  1. Alfene immemor atque unanimis false sodalibus,
  2. iam te nil miseret, dure, tui dulcis amiculi?
  3. iam me prodere, iam non dubitas fallere, perfide?
  4. nec facta impia fallacum hominum caelicolis placent;
  5. quae tu neglegis, ac me miserum deseris in malis.
  6. eheu, quid faciant, dic, homines, cuive habeant fidem?
  7. certe tute iubebas animam tradere, inique, me
  8. inducens in amorem, quasi tuta omnia mi forent.
  9. idem nunc retrahis te ac tua dicta omnia factaque
  10. ventos irrita ferre ac nebulas aerias sinis.
  11. si tu oblitus es, at di meminerunt, meminit Fides,
  12. quae te ut paeniteat postmodo facti faciet tui.
  1. Paene insularum, Sirmio, insularumque
  2. ocelle, quascumque in liquentibus stagnis
  3. marique vasto fert uterque Neptunus,
  4. quam te libenter quamque laetus inviso,
  5. vix mi ipse credens Thyniam atque Bithynos
  6. liquisse campos et videre te in tuto!
  7. o quid solutis est beatius curis,