Carmina
Catullus
Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.
- ---Tam gratum est mihi quam ferunt puellae
- pernici aureolum fuisse malum,
- quod zonam solvit diu ligatam.
- Lugete, o Veneres Cupidinesque
- et quantum est hominum venustiorum!
- passer mortuus est meae puellae,
- passer, deliciae meae puellae,
- quem plus illa oculis suis amabat;
- nam mellitus erat, suamque norat
- ipsa tam bene quam puella matrem,