Adelphi

Terence

Terence. Publii Terentii Comoediae Sex. Parry, Edward St. John, editor. London: Whittaker and Co.; George Bell, 1857.

  1. Et bene procedit.
Ge.
  1. Bonus es quum hace existimas.
De.
  1. Paulatim plebem primulum facio meam.
AESCHINUS. DEMEA. SYRUS. GETA.
Aes.
  1. Occidunt me quidem dum nimis sanctas nuptias
  2. Student facere: in apparando consumunt diem.
De.
  1. Quid agitur, Aeschine?
Aes.
  1. Ehem, pater mi, tu hic eras?
De.
  1. Tuus hercle vero et animo et natura pater,
  2. Qui te amat plus quam hosce oculos: sed cur non domum
  3. Uxorem arcessis?
Aes.
  1. Cupio: verum hoc mihi morae est;
  2. Tibicina, et Hymenaeum qui cantent.
De.
  1. Eho,
  2. Vin tu huic seni auscultare?
Aes.
  1. Quid?
De.
  1. Missa haec face,
  2. Hymenaeum, turbas, lampadas, tibicinas;
  3. Atque hanc in horto maceriam iube dirui,
  4. Quantum potest; hac transfer; unam fac domum;
  5. Traduce et matrem et familiam omnem ad nos.
Aes.
  1. Placet,
  2. Pater lepidissime.
De.
  1. Euge! iam lepidus vocor.
  2. Fratri aedes fient perviae: turbam domum
  3. Adducet; sumtum admittet; multa. Quid mea?
  4. Ego lepidus ineo gratiam. Iube nunc iam
  5. Dinumeret illi Babylo viginti minas.
  6. Syre, cessas ire ac facere?