Adelphi

Terence

Terence. Publii Terentii Comoediae Sex. Parry, Edward St. John, editor. London: Whittaker and Co.; George Bell, 1857.

  1. Quid Ctesiphonem hic narrat?
Sy.
  1. Nihil.
De.
  1. Eho carnifex,
  2. Est Ctesipho intus?
Sy.
  1. Non est.
De.
  1. Cur hic nominat?
Sy.
  1. Est alius quidam, parasitaster parvulus:
  2. Nostin?
De.
  1. Iam scibo.
Sy.
  1. Quid agis? quo abis?
De.
  1. Mitte me.
Sy.
  1. Noli inquam.
De.
  1. Non manum abstines, mastigia?
  2. An tibi iam mavis cerebrum dispergi hic?
Sy.
  1. Abit.
  2. Edepol comissatorem haud sane commodum,
  3. Praesertim Ctesiphoni. Quid ego nunc agam
  4. Nisi, dum hae silescunt turbae, interea in angulum
  5. Aliquo abeam, atque edormiscam hoc villi? Sic agam.
MICIO. DEMEA.
Mi.
  1. Parata a nobis sunt, ut dixi, Sostrata,
  2. Ubi vis. Quisnam a me pepulit tam graviter fores?
De.
  1. Hei mihi, quid faciam? quid agam? quid clamem aut querar?
  2. O coelum, O terra, O maria Neptuni!
Mi.
  1. Em tibi:
  2. Rescivit omnem rem; id nunc clamat scilicet:
  3. Paratae lites; succurrendum est.
De.
  1. Eccum adest
  2. Communis corruptela nostrum liberum.
Mi.
  1. Tandem reprime iracundiam, atque ad te redi.
De.
  1. Repressi, redii: mitto maledicta omnia:
  2. Rem ipsam putemus: dictum hoc inter nos fuit,