Hecyra

Terence

Terence. Publii Terentii Comoediae Sex. Parry, Edward St. John, editor. London: Whittaker and Co.; George Bell, 1857.

  1. Magnus, rubicundus, crispus, crassus, caesius,
  2. Cadaverosa facie.
Par.
  1. Di illum perduint.
  2. Quid si non veniet? maneamne usque ad vesperum?
Pam.
  1. Maneto: curre.
Par.
  1. Non queo; ita defessus sum.
Pam.
  1. Ille abiit: quid agam infelix? prorsus nescio
  2. Quo pacto hoc celem quod me oravit Myrrhina,
  3. Suae gnatae partum; nam me miseret mulieris.
  4. Quod potero faciam, tamen ut pietatem colam;
  5. Nam me parenti potius quam amori obsequi
  6. Oportet. Atat eccum Phidippum et patrem
  7. Video: horsum pergunt. Quid dicam hisce incertus sum.
LACHES. PHIDIPPUS. PAMIPHILUS.
La.
  1. Dixtin dudum illam dixisse se exspectare filium?
Ph.
  1. Factum.
La.
  1. Venisse aiunt: redeat.
Pa.
  1. Quam causam dicam patri
  2. Quamobrem non reducam nescio.
La.
  1. Quem ego hic audivi loqui?
Pa.
  1. Certum offirmare est viam me quam decrevi persequi.
La.
  1. Ipsus est de quo hic agebam tecum.
Pa.
  1. Salve, mi pater.
La.
  1. Gnate mi, salve.
Ph.
  1. Bene factum te advenisse, Pamphile;
  2. Atque adeo, quod maximum est, salvum atque validum.
Pa
  1. Creditur.
La.
  1. Advenis modo?
Pa.
  1. Admodum.
La.
  1. Cedo, quid reliquit Phania
  2. Consobrinus noster?