Hecyra

Terence

Terence. Publii Terentii Comoediae Sex. Parry, Edward St. John, editor. London: Whittaker and Co.; George Bell, 1857.

  1. Quem ego intellexi illam haud minus quam se ipsum magnificare.
  2. Neque adeo clam me est quam esse eum graviter laturum credam,
  3. Hoc si rescierit: eo domum studeo haec prius quam ille ut redeat.
Ph.
  1. Laches, et diligentiam vestram et benignitatem
  2. Novi; et quae dicis omnia esse ut dicis animum induco:
  3. Et te hoc mihi cupio credere: illam ad vos redire studeo,
  4. Si facere possim ullo modo.
La.
  1. Quae res te id facere prohibet?
  2. Eho, numquidnam accusat virum?
Ph.
  1. Minime; nam postquam attendi
  2. Magis, et vi coepi cogere ut rediret, sancte adiurat
  3. Non posse apud vos Pamphilo se absente perdurare.
  4. Aliud fortasse alii viti est: ego sum animo leni natus:
  5. Non possum adversari meis.
La.
  1. Hem, Sostrata!
So.
  1. Heu me miseram!
La.
  1. Certumne est istuc?
Ph.
  1. Nunc quidem ut videtur: sed numquid vis?
  2. Nam est quod me transire ad forum iam oporteat.
La.
  1. Eo tecum una.
SOSTRATA.
Sostrata
  1. Edepol ne nos sumus inique aeque omnes invisae viris,
  2. Propter paucas, quae omnes faciunt dignae ut videamur malo.
  3. Nam, ita me Di ament, quod me accusat nunc vir sum extra noxiam.
  4. Sed non facile est expurgatu; ita animum induxerunt socrus
  5. Omnes esse iniquas: haud pol me quidem; nam nunquam secus
  6. Habui illam ac si ex me esset nata: nec qui hoc mihi eveniat scio;