Eunuchus

Terence

Terence. Publii Terentii Comoediae Sex. Parry, Edward St. John, editor. London: Whittaker and Co.; George Bell, 1857.

  1. Quid facerem? ita ut tu iusti soli credita est.
Th.
  1. Scelesta lupo ovem commisisti. Dispudet
  2. Sic mihi data esse verba. Quid illic hominis est?
Py.
  1. Hera mea tace; tace obsecro; salvae sumus:
  2. Habemus hominem ipsum.
Th.
  1. Ubi is est?
Py.
  1. Hem ad sinistram:
  2. Viden?
Th.
  1. Video.
Py.
  1. Comprehendi iube quantum potest.
Th.
  1. Quid illo faciemus stulta?
Py.
  1. Quid facias rogas?
  2. Vide amabo si non, qutun adspicias, os impudens
  3. Videtur: non est? tum quae eius confidentia est!
CHAEREA. THAIS. PYTHIAS.
Ch.
  1. Apud Antiphonem uterque, mater et pater,
  2. Quasi dedita opera domi erant, ut nullo modo
  3. Introire possem quin viderent me. Interim
  4. Dum ante ostium sto, notus mihi quidam obviam
  5. Venit. Ubi vidi, ego me in pedes quantum queo
  6. In angiportum quoddam desertum; inde item
  7. In aliud, inde in aliud: ita miserrimus
  8. Fui fugitando ne quis me cognosceret.
  9. Sed estne haec Thais quam video? Ipsa est. Haereo.
  10. Quid faciam? quid mea autem? quid faciet mihi?
Th.
  1. Adeamus. Bone vir Dore salve. Die mihi,