Eunuchus

Terence

Terence. Publii Terentii Comoediae Sex. Parry, Edward St. John, editor. London: Whittaker and Co.; George Bell, 1857.

  1. E flamma petere te cibum posse arbitror.
Thr.
  1. Iamne imus?
Th.
  1. Hos prius introducam, et quae volo
  2. Simul imperabo: post continuo exeo.
Thr.
  1. Ego hine abeo; tu istam opperire.
Pa.
  1. Haud convenit
  2. Una cum amica ire imperatorer in via.
Thr.
  1. Quid tibi ego multa dicam? domini similis es.
Gn.
  1. Ha, ha, he.
Thr.
  1. Quid rides?
Gn.
  1. Istuc quod dixti modo;
  2. Et illud de Rhodio dictum cum in mentem venit:
  3. Sed Thais exit.
Thr.
  1. Abi prae, curre, ut sint domi
  2. Parata.
Gn.
  1. Fiat.
Th.
  1. Diligenter Pythias
  2. Fac cures, si Chremes huc forte advenerit,
  3. Ut ores primum ut maneat: si id non commodum est,
  4. Ut redeat: si id non poterit, ad me adducito.
Py.
  1. Ita faciam.
Th.
  1. Quid? quid aliud volui dicere?
  2. Ehem, curate istam diligenter virginem.
  3. Domi adsitis facite.
Thr.
  1. Eamus.
Th.
  1. Vos me sequimini.
CHREMES. PYTHIAS.
Ch.
  1. Profecto quanto magis magisque cogito,
  2. Nimirum dabit haec Thais mihi magnum malum:
  3. Ita me video ab ea astute labefactarier,
  4. Iam tum cum primum iussit me ad se arcessier.