Eunuchus

Terence

Terence. Publii Terentii Comoediae Sex. Parry, Edward St. John, editor. London: Whittaker and Co.; George Bell, 1857.

  1. Suam Thaidem esse.
Gn.
  1. Plurima salute Parmenonem
  2. Summum suum impertit Gnatho. Quid agitur?
Pa.
  1. Statur.
Gn.
  1. Video.
  2. Numquidnam quod nolis vides?
Pa.
  1. Te.
Gn.
  1. Credo; at numquid aliud?
Pa.
  1. Quidum?
Gn.
  1. Quia tristis es.
Pa.
  1. Nihil equidem.
Gn.
  1. Ne sis: sed quid videtur
  2. Hoc tibi mancipium?
Pa.
  1. Non malum hercle.
Gn.
  1. Uro hominem.
Pa.
  1. Ut falsus animi est!
Gn.
  1. Quam hoc munus gratum Thaidi arbitrare esse?
Pa.
  1. Hoc nunc dicis,
  2. Eiectos hinc nos: omnium rerum, heus, vicissitudo est.
Gn.
  1. Sex ego te totos Parmeno hos menses quietum reddam,
  2. Ne sursum deorsum cursites, neve usque ad lucem vigiles.
  3. Ecquid beo te?
Pa.
  1. Men? papae!
Gn.
  1. Sic soleo amicos.
Pa.
  1. Laudo.
Gn.
  1. Detineo te fortasse: tu profectus alio fueras.
Pa.
  1. Nusquam.
Gn.
  1. Tum tu igitur paululum da mihi operae: fac ut admittar
  2. Ad illam.
Pa.
  1. Age modo; nunc tibi patent fores hae, quia istam ducis.
Gn.
  1. Numquam evocari hinc vis foras?
Pa.
  1. Sine biduum hoc praetereat:
  2. Qui mihi nunc uno digitulo fores aperis fortunatus
  3. Nae tu istas faxo calcibus saepe insultabis frustra.
Gn.
  1. Etiam nunc hic stas Parmeno? eho numnam hic relictus custos,
  2. Ne quis forte internuntius clam a milite ad istam curset?
Pa.
  1. Facete dictum: mira vero militi quae placeant.
  2. Sed video herilem filium minorem huc advenire.