Heautontimorumenos

Terence

Terence. Publii Terentii Comoediae Sex. Parry, Edward St. John, editor. London: Whittaker and Co.; George Bell, 1857.

  1. Hodie sum acturus Heautontimorumenon;
  2. Duplex quae ex argumento facta est simplici.
  3. Novam esse ostendi, et quae esset: nunc qui scripserit,
  4. Et cuia Graeca sit, ni partem maximam
  5. Existimarem scire vestrum, id dicerem.
  6. Nunc, quamobrem has partes didicerim, paucis dabo.
  7. Oratorem voluit esse me, non prologum.
  8. Vestrum iudicium fecit; me actorem dedit.