Heautontimorumenos

Terence

Terence. Publii Terentii Comoediae Sex. Parry, Edward St. John, editor. London: Whittaker and Co.; George Bell, 1857.

  1. Quomodo obsequare, et ut serves quod labore invenerit.
  2. Non mihi per fallacias adducere ante oculos—? Pudet
  3. Dicere hac praesente verbum turpe: at te id nullo modo
  4. Puduit facere.
Cl.
  1. Eheu, quam ego nunc totus displiceo mihi,
  2. Quam pudet! neque quod principium inveniam ad placandum scio.
MENEDEMUS. CHREMES. CLITIPHO. SOSTRATA.
Me.
  1. Enimvero Chremes nimis graviter cruciat adolescentulum,
  2. Nimisque inhumane. Exeo ergo ut pace conciliem. Optime
  3. Ipsos video.
Ch.
  1. Ehem, Menedeme, cur non arcessi iubes
  2. Filiam, et quod dotis dixi firmas?
So.
  1. Mi vir, te obsecro
  2. Ne facias.
Cl.
  1. Pater, obsecro ut mihi ignoscas.
Me.
  1. Da veniam, Chreme:
  2. Sine te exoret.
Ch.
  1. Egon mea bona ut dem Bacchidi dono sciens?
  2. Non faciam.
Me.
  1. At id nos non sinemus.
Cl.
  1. Si me vivum vis, pater,
  2. Ignosce.
So.
  1. Age, Chreme mi.
Me.
  1. Age quaeso ne tam offirma te, Chreme.
Ch.
  1. Quid istic? video non licere ut coeperam hoc pertendere.
Me.
  1. Facis ut te decet.
Ch.
  1. Ea lege hoc adeo faciam; si facit
  2. Quod ego hunc aequum censeo.
Cl.
  1. Pater, omnia faciam: impera.
Ch.
  1. Uxorem ut ducas.
Cl.
  1. Pater!
Ch.
  1. Nihil audio.
Me.
  1. Ad me recipio:
  2. Faciet.
Ch.
  1. Nihil etiam audio ipsum.
Cl.
  1. Perii!
So.
  1. An dubitas, Clitipho?
Ch.
  1. Immo utrum vult.
Me.
  1. Faciet omnia.
So.
  1. Haec dum incipias gravia sunt,
  2. Dumque ignores: ubi cognoris, facilia.