Truculentus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Abire hinc ni properas grandi gradu,
  2. iam hercle ego istós fictos compositos crispos cincinnos tuos
  3. unguentatos usque ex cerebro exvellam.
Ast.
  1. Quanam gratia?
Trvc.
  1. Quia ad foris nostras unguentis uncta es ausa accedere
  2. quiaque istas buccas tam belle purpurissatas habes.
Ast.
  1. Erubui mecastor misera propter clamorem tuom.
Trvc.
  1. Itane? erubuisti? quasi vero corpori reliqueris
  2. tuo potestatem coloris ulli capiendi, mala.
  3. buccas rubrica, créta omne corpus intinxti tibi.
  4. pessumae estis.