Stichus

Plautus, Titus Maccius

Plautus. Leo, Friedrich

  1. Mórem vobis geram, meaé deliciae. nam íta me Venus amoéna amet,
  2. ut ego huc iam dudum simitu exissem vobiscum foras,
  3. nisi me vobis exornarem. nam ita est ingenium muliebre:
  4. bene cum lauta est, tersa ornata ficta est, infecta est tamen;
  5. nimioque sibi mulier meretrix repperit odium ocius
  6. sua inmunditia, quam in perpetuom ut placeat munditia sua.
Stich.
  1. Nimium lepide fabulata est.
Sang.
  1. Veneris mera est oratio,
St.
  1. Sangarine.
Sa.
  1. Quid est?
St.
  1. Totus doleo.
Sa.
  1. Totus? tanto miserior.
Steph.
  1. Vtrubi accumbo?
Sang.
  1. Vtrubí tu vis?
Steph.
  1. Cum ambobus volo, nam ambos amo.
Stich.
  1. Vapulat peculium, actum est.
Sang.
  1. Fugit hoc libertas caput.
Steph.
  1. Date mihi lócum, ubi accumbam, amabo, siquidem placeo.
Stich.
  1. Tun mihi?
Steph.
  1. Cupio cúm utroque.