Stichus

Plautus, Titus Maccius

Plautus. Leo, Friedrich

  1. exorando, haud adversando sumendam operam censeo:
  2. gratiam per si petimus, spero áb eo impetrassere;
  3. adversari sine dedecore et scelere summo haud possumus,
  4. neque equidem id factura neque tu ut facias consilium dabo,
  5. verum ut exoremus. novi ego nostros: exorabilest.
Ant.
  1. Principium ego quo pacto cum illis occipiam, id ratiocinor:
  2. utrum ego perplexim lacessam oratione ad hunc modum,
  3. quasi numquam quicquam in eas simulem, quasi nil indaudiverim
  4. eas in se meruisse culpam, an potius temptem saeviter,
  5. an minaciter. scio litis fore, ego meas novi optume.