Stichus

Plautus, Titus Maccius

Plautus. Leo, Friedrich

  1. Nunc ergo usus est.
Epig.
  1. Non edepol possum.
Gel.
  1. Quid gravare? censeas.
  2. nescio quid vero hábeo in mundo.
Epig.
  1. I modo,
  2. alium convivam quaerito tibi in hunc diem.
Gel.
  1. Quin tu promittis?
Epig.
  1. Non graver, si possiem.
Gel.
  1. Vnum quidem hercle certo promitto tibi:
  2. libens accipiam certo, si promiseris.
Ep.
  1. Valeas.
Gel.
  1. Certumnest?
Ep.
  1. Certum. cenabo domi.
Gel.
  1. Quando quidem tu ad me non vis promittere
  2. sed—quoniam nil processit hac, ego ivero
  3. apertiore magis via; ita plane loquar:
  4. vin ad te ad cenam veniam?
Epig.
  1. Si possim, velim;
  2. verum hic apud me cenant alieni novem.
Gel.
  1. Hau postulo equidem med in lecto accumbere: