Stichus

Plautus, Titus Maccius

Plautus. Leo, Friedrich

  1. Papae,
  2. ducam hodie amicam.
Epig.
  1. Vel decem, dum de tuo.
S.
  1. Quid? hoc etiam unum?
E.
  1. Quid id autem unumst? expedi.
Stich.
  1. Ad cenam ibone?
Epig.
  1. Si vocatu'svocatus es , censeo.
Stich.
  1. Sic hoc placet; rogatu necne, nil moror.
Epig.
  1. Vbi cenas hodie?
Stich.
  1. Sic hanc rationem institi:
  2. amicam ego habeo Stephanium hinc ex proxumo,
  3. tui frátris ancillam: eo condixi in symbolam
  4. ad cenam, ad eius consérvom Sangarinum Syrum.
  5. eademst amica ambobus, rivales sumus.
Epig.
  1. Age abduce hasce intro. hunc tibi dedo diem.
Stich.
  1. Meam culpam habeto, nisi probe excruciavero.
  2. iam hercle ego per hortum ad amicam transibo meam
  3. mi hanc occupatum noctem; eadem symbolam
  4. dabo et iubebo ad Sangarinum cenam coqui.
  5. aut egomet ibo atque opsonabo opsonium.