Stichus

Plautus, Titus Maccius

Plautus. Leo, Friedrich

  1. olim quos abiens adfeci aegrimonia,
  2. eos núnc laetantis faciam ádventu meo.
  3. nam iam Antiphonem conveni adfinem meum
  4. cumque eo reveni ex inimicitia in gratiam.
  5. videte, quaeso, quid potest pecunia:
  6. quoniam bene gesta re rediisse me videt
  7. magnasque adportavisse divitias domum,
  8. sine advocatis ibidem in cercuro in stega
  9. in amicitiam atque in gratiam convortimus.
  10. et is hodie apud me cenat et frater meus;