Stichus

Plautus, Titus Maccius

Plautus. Leo, Friedrich

  1. Salva sum.
Pin.
  1. At ego perii, quoi medullam lassitudo perbibit.
Gel.
  1. Quid ego, quoi misero medullam ventris percepit fames.
Pan.
  1. Ecquem convenisti?
Pin.
  1. Multos.
Pan.
  1. At virum?
Pin.
  1. Equidem plurimos:
  2. verum ex multis nequiorem nullum quám hic est.
Gel.
  1. Quo modo?
  2. iam dudum ego ístum patior dicere iniuste mihi.
  3. praeterhac si me inritassis—
Pin.
  1. Edepol essuries male.
Gel.
  1. Animum inducam, ut istuc verum te elocutum esse arbitrer.
Pin.
  1. Munditias volo fieri. ecferte huc scopas simulque harundinem,
  2. ut operam omnem araneorum perdam et texturam improbem
  3. deiciamque eorum ómnis telas.
Gel.
  1. Miseri algebunt postea.
Pin.
  1. Quid? illos itidemne esse censes quasi te, cum veste unica?
  2. cape illas scopas.
Gel.
  1. Cápiam.