Stichus

Plautus, Titus Maccius

Plautus. Leo, Friedrich

  1. Quídnam dicam Pínacium
  2. lascívibundum tam lubentem currere?
  3. harúndinem fert sportulamque et hamulum piscarium.
Pin.
  1. Sed tandem, opinor, aequiust eram mihi esse supplicem
  2. atque óratores mittere ad me donaque ex auro et quadrigas,
  3. quí vehar, nam pedibus ire non queo. ergo iam revortar.
  4. ad me adiri et supplicari égomet mi aequom censeo.
  5. an véro nugas censeas, nihil esse quod ego nunc scio?
  6. tantum a portu adporto bonum, tam gaudium grande adfero,
  7. vix ipsa domina hoc, nisi sciat, exoptare ab deis audeat.