Stichus

Plautus, Titus Maccius

Plautus. Leo, Friedrich

  1. postquam vir abiit eius. miror quid siet,
  2. nisi ut periclum fiat: visam quid velit.
  3. sed eccum Pinacium eius puerum. hoc vide,
  4. satin ut facete, aeque atque ex pictura, astitit?
  5. ne iste edepol vinum poculo pauxillulo
  6. saepe exanclavit submerum scitissume.
Pinacivm
  1. Mercúrius, Iovis qui núntius perhibétur, numquam aequé patri
  2. suo núntium lepidum áttulit quam égo nunc meae erae núntiabo:
  3. ítaque onustum péctus porto laétitia lubéntiaque
  4. néque lubet nisi gloriose quicquam proloqui profecto.