Stichus

Plautus, Titus Maccius

Plautus. Leo, Friedrich

  1. damna evenerunt maxuma misero mihi,
  2. ita me mancupia miserum adfecerunt male,
  3. potationes plurumae demortuae,
  4. quot adeo cenae, quas deflevi, mortuae,
  5. quot potiones mulsi, quae autem prandia,
  6. quae inter continuom perdidi triennium.
  7. prae maerore adeo miser atque aegritudine
  8. consenui; paene sum famé emortuos.
Croc.
  1. Ridiculus aeque nullus est quando esurit.
Gel.
  1. Nunc auctionem facere decretumst mihi: