Rudens

Plautus, Titus Maccius

Plautus. Leo, Friedrich

  1. Abeas, si velis.
Labr.
  1. Bene hercle factum. habeo vobis gratiam.
  2. non accedam potius.
Lor.
  1. Illic astato ilico.
Labr.
  1. Edepol proveni nequiter multis modis.
  2. certumst hasce hodie usque obsidione vincere.
Plesidippvs
  1. Meamne ílle amicam leno vi, violentia
  2. de ara deripere Veneris voluit?
Trachalio
  1. Admodum.
Ples.
  1. Quin occidisti extemplo?
Trach.
  1. Gladius non erat.
Pl.
  1. Caperes aut fustem aut lapidem.
Tr.
  1. Quid? ego quasi canem
  2. hominem insectarer lapidibus nequissimum?
Labr.
  1. Nunc pol ego perii, Plesidippus eccum adest.