Rudens

Plautus, Titus Maccius

Plautus. Leo, Friedrich

  1. Quid ages, si accedent propius?
Labr.
  1. Ego recessero.
  2. verum, senex, si te umquam in urbe offendero,
  3. numquam hercle quisquam me lenonem dixerit,
  4. si te non ludos pessimos dimisero.
Daem.
  1. Facito istuc quod minitare; sed nunc interim,
  2. si illas attigeris, dabitur tibi magnum malum.
Labr.
  1. Quam magnum vero?
Daem.
  1. Quantum lenoni sat est.
Labr.
  1. Minacias ego flocci non faciam tuas,
  2. equidem has te invito iam ambas rapiam.
Daem.
  1. Tange dum.
Labr.
  1. Tangam hercle vero.
Daem.
  1. Tanges, at scin quo modo?
  2. i dum, Turbalio, curriculo, adferto domo
  3. duas clávas.
Labr.
  1. Clavas?
Daem.
  1. Sed probas. propera cito.
  2. ego te hodie faxo recte acceptum, ut dignus es.
Labr.
  1. Eheu, scelestus galeam in navi perdidi;