Rudens

Plautus, Titus Maccius

Plautus. Leo, Friedrich

  1. At etiam minitatur audax?
Labr.
  1. Ius meum ereptum est mihi,
  2. meas mihi ancillas invito me eripis.
Trach.
  1. Cedo iudicem
  2. de senatu Cyrenensi quemvis opulentum virum,
  3. si tuas ésse oportet nive eas ésse oportet liberas
  4. nive in carcerem compingi te est aequom aetatemque ibi
  5. te usque habitare, donec totum carcerem contriveris.
Labr.
  1. Non hodie isti rei auspicavi, ut cum furcifero fabuler.
  2. té ego appello.
Daem.
  1. Cum istoc primum, qui te novit, disputa.
Labr.
  1. Tecum ago.
Trach.
  1. At qui mecum agendumst. suntne illae ancillae tuae?
Labr.
  1. Sunt.
Trach.
  1. Agedum ergo, tange utramvis digitulo minimo modo.