Rudens

Plautus, Titus Maccius

Plautus. Leo, Friedrich

  1. quaé vis vim mi áfferam ipsa ádigit.
Tr.
  1. Ah, désine, nímis inepta es.
Pal.
  1. Desíste dictis núnciam miserám me consolári;
  2. nisi quid re praesidium apparas, Trachalio, acta haec res est.
Amp.
  1. Certumst moriri quam hunc pati saevire lenonem in me.
  2. sed muliebri animo sum tamen: miserae quom venit in mentem
  3. mihi mortis, metus membra occupat. edepol --- hunc acerbum.
T.
  1. Bonum animum habete.
P.
  1. Nam, obsecro, unde ánimus mi invenitur?
Trach.
  1. Ne, inquam, timete; adsidite hic in ara.
Amp.
  1. Quid istaec ara
  2. prodesse nobis plus potest quam signum in fano hic intus
  3. Veneris, quod amplexae modo, unde abreptae per vim miserae?
Trach.
  1. Sedete hic modo, ego hinc vós tamen tutabor. aram habete hanc
  2. vobis pro castris, moenia hinc égo vos defensabo;
  3. praesidio Veneris malitiae lenonis contra incedam.
Pal.
  1. Tibi auscultamus et, Venús alma, ambae te obsecramus,
  2. aram amplexantes hanc tuam lacrumantes, genibus nixae,
  3. in custodelam nos tuam ut recipias et tutere;
  4. illos scelestos, qui tuom fecerunt fanum parvi,