Rudens

Plautus, Titus Maccius

Plautus. Leo, Friedrich

  1. sed eccas ipsae huc egrediuntur timidae e fano mulieres.
Palaestra
  1. Núnc id est cum ómnium cópiarum átque opum,
  2. aúxili, praésidi víduitas nós tenet.
  3. núlla nunc spéculast quaé salutem áfferat,
  4. néc quam in partem íngredi pérsequamur
  5. scímus: tanto ín metu núnc sumus ambae,
  6. tánta importúnitas tántaque iniúria
  7. fácta in nos ést modo hic íntus ab nóstro ero,
  8. quí scelestús sacerdótem anum praécipes
  9. réppulit própulit pérquam indignís modis
  10. nósque ab signo íntimo ví deripuít sua.
  11. séd nunc sese út ferunt rés fortunaéque nostrae,
  12. pár moriri ést. neque est mélius morte ín malis,
  13. rébus miserís.
Trach.
  1. Quid est? quae íllaec orátiost?