Rudens

Plautus, Titus Maccius

Plautus. Leo, Friedrich

  1. Quot sunt?
Scep.
  1. Totidem quot ego et tu sumus.
Labr.
  1. Nempe meae?
Scep.
  1. Nempe néscio istuc.
Labr.
  1. Qua sunt facie?
Scep.
  1. Scitula.
  2. vel ego amare utramvis possum, si probe adpotus siem.
Labr.
  1. Nempe puellae?
Scep.
  1. Nempe moléstus es. i vise, si lubet.
Labr.
  1. Meas oportet intus esse hic mulieres, mi Charmides.
Charm.
  1. Iuppiter te perdat, et si sunt, et si non sunt tamen.
Labr.
  1. Intro rumpam iam huc in Veneris fanum.—
Charm.
  1. In barathrum mavelim.
  2. opsecro, hospes, da mihi aliquid ubi condormiscam loci.
Scep.
  1. Istic ubi vis condormisce; nemo prohibet, publicum est.