Rudens

Plautus, Titus Maccius

Plautus. Leo, Friedrich

  1. qui duceret mulierculas duas sécum satis venustas?
Pisc.
  1. Cum istius modi virtutibus operisque natus qui sit,
  2. eum quídem ad carnificem est aequius quam ad Venerem commeare.
Trach.
  1. At si vidistis, dicite.
Pisc.
  1. Huc profecto nullus venit.
  2. vale.—
Trach.
  1. Valete. credidi: factum est quod suspicabar,
  2. data verba ero sunt, leno abit scelestus exulatum,
  3. in navem ascendit, mulieres avexit: hariolus sum.
  4. is huc erum etiam ad prandium vocavit, sceleris semen.