Rudens

Plautus, Titus Maccius

Plautus. Leo, Friedrich

  1. (viden?) secundum litus.
Ples.
  1. Video. sequimini.
  2. utinam is sit quém ego quaero, vir sacerrimus.
  3. valete.—
Scep.
  1. Si non moneas, nosmet meminimus.
  2. sed, o Palaemon, sancte Neptuni comes,
  3. qui Herculis socius esse diceris,†
  4. quod facinus video.
Daem.
  1. Quid vides?
Scep.
  1. Mulierculas
  2. video sedentis in scapha solas duas.
  3. ut adflictantur miserae. euge euge, perbene,
  4. ab saxo avortit fluctus ad litus scapham,
  5. nequé gubernator umquam potuit rectius.
  6. non vidisse undas me maioris censeo.